У яго рабоце прынялі ўдзел першы намеснік начальніка Ашмянскага РАУС Уладзімір Аляхновіч, начальнік крымінальна-выканаўчай інспекцыі Вольга Жабінская, намеснік пракурора Ашмянскага раёна Святлана Малец, урач-псіхатэрапеўт раённай бальніцы Юлія Шлыковіч, начальнік аддзела па працы і занятасці ўпраўлення па працы, занятасці і сацыяльнай абароне насельніцтва Таццяна Мамонава.
На сустрэчу былі запрошаны асобы, якія маюць непагашаную судзімасць і стаяць на ўліку ў крымінальна-выканаўчай інспекцыі, а таксама грамадзяне, якія стаяць на ўліку ў аддзеле аховы правапарадку і прафілактыкі – прыцягнутыя да адміністрацыйнай адказнасці за правапарушэнні, звязаныя з гвалтам у сям'і. Дадзеная катэгорыя атрымала запрашэнне ў сувязі з тым, што ў гэтыя дні ў Рэспубліцы праходзіць прафілактычная акцыя «Дом без гвалту». Менавіта на гэтую праблему звярнулі ўвагу ў сваіх выступах Вольга Жабінская, Юлія Шлыковіч і Святлана Малец. Святлана Малец акцэнтавала ўвагу прысутных на адказнасці, як адміністрацыйнай, так і крымінальнай, за ўчыненне злачынстваў у дачыненні да блізкіх людзей.
Статыстыка сведчыць, што сярод асноўных прычын, якія спрыяюць здзяйснення злачынстваў, лідзіруюць адсутнасць занятасці і знаходжанне ў стане алкагольнага ап'янення. Вярнуцца да нармальнага жыцця ў грамадстве можна заўсёды. Першарадным ў працэсе лячэння алкагольнай залежнасці з'яўляецца жаданне самога чалавека. Што тычыцца пытанняў працаўладкавання, то Таццяна Мамонава агучыла шэраг вакансій у арганізацыях раёна, пералічыла дакументы, неабходныя для пастаноўкі на ўлік у службе занятасці, спынілася на магчымасці грамадзян, якія вярнуліся з месцаў пазбаўлення волі, атрымаць разавую матэрыяльную падтрымку.
Каля паловы прысутных у зале грамадзян не працаўладкаваны, наяўнымі ў раёне вакансіямі зацікавіліся адзінкі. Ім прама на месцы была выдадзена пісьмовая прапанова аб працаўладкаванні, з якой яны павінны звярнуцца ва ўстаноўленыя тэрміны да наймальніка.
Першы намеснік начальніка Ашмянскага РАУС Уладзімір Аляхновіч заўважыў, што лепшай мерай прафілактыкі і выпраўлення з'яўляецца праца. Грамадзянам з ліку непрацаўладкаваных было прапанавана аказаць дапамогу адной з гаспадарак раёна.
